| ᠭᠠᠯ ᠲᠠᠬᠢᠯᠭᠠ ᠶᠢᠨ ᠶᠤᠰᠤᠯᠠᠯ | ᠭᠠᠯ ᠲᠠᠬᠢᠬᠤ ᠡᠳᠤᠷ᠂ ᠦᠳᠡᠰᠢ ᠤᠳᠤᠨ ᠮᠠᠴᠢᠳ ᠪᠦᠷᠢᠯᠳᠤᠬᠦ ᠦᠶᠡᠰ ᠲᠤ ᠭᠠᠯ ᠲᠠᠬᠢᠯᠭᠠ ᠶᠢᠨ | ᠶᠤᠰᠤᠯᠠᠯ ᠡᠬᠢᠯᠡᠳᠡᠭ᠃ ᠭᠠᠯ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠬᠦᠮᠤᠰ ᠡᠷᠡᠭᠲᠠᠶᠢᠴᠤᠳ ᠵᠡᠭᠦᠨ ᠲᠠᠯᠠ ᠪᠠᠷ ᠰᠠᠭᠤᠳᠠᠭ᠃ | ᠭᠠᠯ ᠲᠠᠬᠢᠯᠭᠠ ᠡᠬᠢᠯᠡᠬᠦ ᠳᠤ ᠴᠡᠢ ᠠᠶᠠᠭᠠᠯᠡᠨ᠂ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠵᠤ᠂ ᠭᠠᠯ ᠲᠠᠬᠢᠯᠭᠠ ᠶᠢᠨ ᠢᠷᠤᠭᠡᠯ | ᠤᠩᠰᠢᠵᠤ ᠡᠬᠢᠯᠡᠬᠦ ᠳᠤ᠂ ᠭᠡᠷ ᠤᠨ ᠡᠵᠡᠨ ᠭᠠᠯ ᠢᠶᠠᠨ ᠨᠤᠴᠤᠭᠠᠵᠤ᠂ ᠡᠪᠴᠢᠬᠦᠨ ᠵᠤᠯᠠ᠂ ᠭᠠᠯ ᠤᠨ ᠠᠮᠤᠰᠦ ᠶᠢᠨ | ᠵᠤᠯᠠ ᠵᠡᠷᠭᠡ ᠶᠢ ᠪᠠᠳᠠᠷᠠᠭᠠᠵᠤ᠂ ᠴᠢᠮᠡᠭᠰᠡᠨ ᠡᠪᠴᠢᠭᠦᠦ ᠪᠠᠨ ᠡᠷᠭᠦᠨ ᠲᠤᠳᠤᠭᠤ ᠵᠦᠭ ᠭᠤᠷᠪᠡ ᠬᠤᠷᠤᠶᠢᠯᠠᠵᠤ᠂ | ᠲᠤᠯᠭᠠ ᠶᠢᠨ ᠲᠡᠭᠡᠭᠦᠷ ᠭᠤᠷᠪᠡ ᠬᠤᠷᠤᠶᠢᠯᠠᠵᠤ᠂ ᠲᠦᠷᠠᠯᠵᠢᠨ ᠨᠤᠴᠤᠭᠰᠡᠨ ᠲᠤᠯᠭᠠ ᠶᠢᠨ ᠭᠠᠯ ᠳᠤ ᠪᠠᠨ ᠴᠢᠮᠡᠭᠰᠡᠨ | ᠡᠪᠴᠢᠭᠦᠦ ᠪᠠᠨ ᠡᠷᠭᠦᠵᠤ ᠬᠢᠴᠢᠶᠡᠩᠭᠦᠶᠢᠯᠡᠨ ᠮᠦᠷᠭᠦᠭᠦ ᠶᠢᠨ ᠬᠠᠮᠲᠦ᠂ ᠭᠡᠷ ᠤᠨ ᠡᠵᠡᠭᠲᠠᠢ ᠨᠢ ᠰᠠᠴᠤᠯᠢ ᠶᠢᠨ | ᠬᠠᠯᠪᠠᠭᠠ ᠪᠠᠷ ᠰᠠᠴᠤᠯᠢ ᠪᠠᠨ ᠭᠤᠷᠪᠠᠨᠲᠠ ᠡᠷᠭᠦᠬᠦ ᠳᠤ ᠡᠪᠴᠢᠭᠦᠦ ᠂ ᠰᠠᠴᠤᠯᠢ ᠶᠢᠨ ᠠᠷᠢᠬᠢᠨ ᠳᠤ ᠭᠠᠯ ᠵᠤᠯᠭᠠᠵᠤ᠂ | ᠤᠯᠠᠭᠠᠨ ᠰᠤᠷ ᠲᠤᠭᠤᠨᠤ ᠲᠤᠯᠲᠠᠯᠠ ᠲᠦᠷᠠᠯᠵᠢᠨ ᠪᠠᠳᠠᠷᠠᠳᠠᠭ᠃ ᠡᠨᠡ ᠦᠶᠡᠰ ᠭᠡᠷ ᠤᠨ ᠡᠵᠡᠨ ᠰᠦᠭᠦᠳᠡᠨ | ᠭᠤᠷᠪᠠᠨᠲᠠ ᠮᠦᠷᠭᠦᠭᠰᠡᠨ ᠤ ᠳᠠᠷᠠᠭᠠ᠂ ᠪᠤᠰᠤᠳ ᠬᠦᠮᠤᠰ ᠰᠠᠴᠤᠯᠢ ᠶᠢ ᠡᠭᠡᠯᠵᠢᠯᠡᠨ ᠭᠤᠷᠪᠠᠨᠲᠠ ᠡᠷᠭᠦᠵᠤ | ᠮᠦᠷᠭᠦᠳᠡᠭ᠃ ᠯᠠᠮᠠ ᠬᠦᠮᠤᠨ᠂ ᠪᠡᠶᠡ ᠵᠢᠷᠮᠤᠰᠤᠨ ᠡᠭᠡᠨᠡᠷ ᠭᠠᠯ ᠳᠤ ᠮᠦᠷᠬᠦᠬᠦ ᠦᠭᠡᠢ ᠵᠦᠪᠭᠡᠨ ᠰᠠᠴᠤᠯᠢ ᠡᠷᠭᠦᠳᠡᠭ᠃ | | | ᠭᠠᠯ ᠤᠨ ᠢᠷᠤᠭᠡᠯ ᠤᠩᠰᠢᠵᠤ᠂ ᠳᠠᠯᠠᠯᠭᠠᠨ ᠭᠡᠰᠡᠭ ᠭᠦᠷᠭᠦ ᠦᠶᠡᠰ ᠲᠤ ᠢᠷᠤᠭᠡᠯ ᠤᠩᠰᠢᠭᠴᠢ ᠳᠠᠯᠠᠯᠭᠠ | ᠶᠢᠨ ᠰᠤᠮᠦ ᠪᠠᠨ ᠪᠠᠷᠢᠵᠤ᠂ ᠭᠡᠷ ᠤᠨ ᠡᠵᠡᠨ ᠳᠠᠯᠠᠯᠭᠠᠨ ᠰᠠᠭᠤᠯᠠᠭᠠ ᠪᠠᠨ ᠬᠠᠳᠠᠭ ᠤᠨ ᠳᠡᠭᠡᠷᠡ ᠪᠠᠷᠢᠵᠤ ᠬᠤᠷᠤᠶᠢᠯᠡᠨ | ᠳᠠᠯᠠᠯᠵᠤ᠂ ᠭᠠᠯ ᠤᠨ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠰᠡᠨ ᠪᠤᠰᠤᠳ ᠭᠦᠮᠤᠰ ᠴᠦ ᠮᠠᠯ ᠤᠨ ᠭᠡᠰᠡᠭ ᠤᠨ ᠲᠠᠭᠠᠷᠴᠤᠭ᠂ | ᠬᠠᠳᠠᠭ᠂ ᠬᠦᠬᠦᠷ᠂ ᠲᠠᠪᠠᠭ ᠲᠠᠢ ᠴᠠᠭᠠᠨ ᠢᠳᠡᠭᠡ᠂ ᠪᠤᠤᠪᠦ ᠪᠤᠭᠤᠷᠰᠤᠭ ᠪᠠᠷᠢᠵᠠᠭᠠᠨ ︽ᠬᠤᠷᠤᠢ᠂ ᠬᠤᠷᠤᠢ᠂ | ᠬᠤᠷᠤᠢ︾ ᠬᠡᠵᠤ ᠬᠤᠷᠤᠶᠢᠯᠡᠨ ᠳᠠᠯᠠᠯᠳᠠᠭ᠃ ᠳᠠᠯᠠᠯᠭᠠ ᠳᠠᠯᠠᠯᠵᠤ ᠪᠠᠷᠠᠭᠰᠡᠨ ᠤ ᠳᠠᠷᠠᠭᠠ᠂ ᠳᠠᠯᠠᠯᠭᠠ ᠶᠢᠨ ᠰᠠᠭᠤᠯᠭᠠ | ᠪᠠᠨ ᠲᠤᠷᠭᠠᠨ ᠬᠠᠳᠠᠭ ᠢᠶᠠᠷ ᠪᠦᠳᠡᠭᠡᠨ ᠲᠠᠯᠪᠢᠵᠤ᠂ ᠭᠤᠷᠪᠠᠨ ᠬᠤᠨᠤᠭ ᠨᠡᠭᠡᠭᠡᠳᠡᠭ ᠦᠭᠡᠢ᠃ ᠲᠦᠷᠪᠡᠳᠤᠭᠡᠷ ᠡᠳᠤᠷ | ᠨᠢ ᠭᠠᠯ ᠤᠨ ᠭᠡᠰᠢᠭ ᠭᠡᠵᠤ ᠰᠠᠳᠤᠨ ᠲᠦᠷᠤᠯ᠂ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ ᠬᠢᠨ ᠲᠠᠢ ᠪᠠᠨ ᠬᠤᠪᠢᠶᠠᠯᠴᠢᠨ ᠢᠳᠡᠵᠤ᠂ | ᠦᠯᠡᠳᠡᠭᠰᠡᠨ ᠢ ᠨᠢ ᠭᠠᠯ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠵᠤ ᠲᠠᠶᠢᠯᠤᠭ᠍ᠰᠡᠨ ᠦᠭᠡᠢ ᠬᠡᠤᠭᠡᠳ ᠠᠴᠢᠨᠠᠷ ᠲᠤ ᠪᠠᠨ ᠬᠠᠳᠠᠭᠠᠯᠠᠨ | ᠦᠯᠡᠳᠡᠭᠡᠳᠡᠭ᠃ ᠭᠠᠯ ᠤᠨ ᠲᠠᠯᠠᠯᠭᠠ ᠲᠠᠭᠤᠰᠤᠭᠰᠡᠨ ᠤ ᠲᠠᠷᠠᠭᠠ᠂ ᠭᠡᠷ ᠤᠨ ᠡᠵᠡᠨ ᠪᠡᠯᠡᠳᠭᠡᠭᠰᠡᠨ ᠭᠠᠯ ᠤᠨ | ᠡᠮᠤᠰᠭᠡᠯ ᠢᠶᠠᠨ ᠰᠠᠴᠤᠯᠢ ᠶᠢᠨ ᠠᠷᠢᠬᠢᠨ ᠳᠤ ᠲᠦᠷᠤᠵᠤ᠂ ᠲᠤᠯᠭᠠ ᠶᠢᠨ ᠵᠡᠭᠦᠨ ᠡᠮᠤᠨᠡᠬᠢ ᠤᠴᠤᠭ ᠠᠴᠠ ᠡᠬᠢᠯᠡᠨ | ᠵᠦᠪ ᠡᠷᠬᠢᠵᠤ ᠤᠨᠤᠭᠤᠯᠵᠤ ᠲᠠᠯᠪᠢᠭᠠᠳ᠂ ᠳᠡᠭᠡᠷᠡ ᠨᠢ ᠭᠠᠯ ᠤᠨ ᠪᠤᠳᠠᠭᠠᠨ ᠤ ᠵᠤᠯᠠ ᠶᠢ ᠰᠠᠴᠤᠯᠢ ᠶᠢᠨ ᠬᠠᠯᠪᠠᠭᠠ | ᠪᠠᠷ ᠠᠪᠤᠭᠠᠳ ᠵᠡᠭᠦᠨ ᠡᠮᠤᠨᠡᠬᠢ ᠤᠴᠤᠭ ᠠᠴᠠ ᠡᠬᠢᠯᠡᠨ ᠤᠴᠤᠭ ᠪᠤᠯᠭᠠᠨ ᠳᠤ ᠰᠠᠭᠤᠯᠭᠠᠵᠤ᠂ ᠪᠤᠳᠠᠭᠠᠨ ᠵᠤᠯᠠ | ᠶᠢᠨ ᠲᠤᠤᠷᠠ ᠲᠡᠪᠢᠰᠤᠭ᠍ᠰᠡᠨ ᠬᠤᠨᠢᠨ ᠤ ᠨᠤᠤᠰᠤ ᠪᠤᠶᠦ ᠴᠠᠭᠠᠰᠦ ᠪᠠᠨ ᠰᠢᠲᠠᠭᠠᠨ ᠲᠤᠭᠤᠨᠤ ᠪᠠᠷ ᠢᠶᠠᠨ ᠰᠢᠳᠠᠵᠤ | ᠭᠠᠷᠭᠠᠳᠠᠭ᠃ ᠦᠯᠡᠳᠡᠭᠰᠡᠨ ᠡᠷᠭᠦᠴᠡ ᠪᠠᠨ ᠭᠠᠯ ᠳᠤ ᠪᠠᠨ ᠡᠷᠭᠦᠵᠤ᠂ ᠤᠯᠠᠨ ᠢᠶᠠᠷ ᠢᠶᠠᠨ︽ᠡᠨᠡ ᠡᠳᠤᠷ ᠭᠠᠯ | ᠴᠤᠬᠤᠮ ᠰᠠᠶᠢᠬᠠᠨ ᠪᠠᠳᠠᠷᠠᠯᠠ᠂ ᠦᠭᠡᠳᠡᠯᠡᠬᠦ ᠶᠢᠨ ᠦᠯᠵᠡᠢ ᠲᠠᠢ︾ ᠬᠡᠵᠤ ᠪᠡᠯᠭᠡ ᠲᠠᠮᠪᠠᠷᠢᠯ ᠲᠠᠢ ᠦᠭᠡ ᠶᠠᠷᠢᠵᠠᠭᠠᠨ | ᠲᠠᠬᠢᠯᠭᠠ ᠲᠡᠭᠦᠰᠳᠡᠭ᠃ ᠭᠠᠯ ᠢᠶᠠᠨ ᠲᠠᠬᠢᠭᠠᠳ ᠪᠠᠷᠠᠪᠡᠯ ᠭᠠᠯ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠰᠡᠳ ᠲᠤ ᠪᠠᠨ ᠴᠡᠢ | ᠠᠶᠠᠭᠠᠯᠡᠨ᠂ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠭᠤᠯᠤᠨ᠂ ᠠᠷᠢᠬᠢ ᠪᠠᠷᠢᠵᠤ᠂ ᠠᠮᠤᠰᠦ ᠪᠤᠳᠠᠭᠠ᠂ ᠴᠢᠨᠠᠭᠰᠡᠨ ᠮᠢᠬᠠ ᠢᠳᠡᠳᠡᠭ᠃ | | | | ᠬᠢᠨᠠᠭᠴᠢ᠄ ᠡᠷᠳᠡᠨᠢᠴᠢᠮᠡᠭ | |